ТР җыелма командасы укучыларның чирәмдәге хоккей буенча җәйге Спартакиадасы стартында Башкортостан җыелма командасын тар-мар итте

2024 елның 13 августы, сишәмбе

Татарстанның «Динамо» спорт мәктәбендә тәрбияләнүчеләр укучыларның чирәмдәге хоккей буенча XII җәйге спартакиадасында зур җиңүдән старт алдылар. Ярышлар Крымск шәһәренең «Факел» стадионында уза, ТР җыелмасы турнир медаленә дәгъва итүчеләр арасында.

11 августта ачылу тантанасы булды. Икенче көнне команда үзенең старт матчын ышанычлы уйнап бетерде. 18:0 исәбе белән Башкортстан җыелмасы җиңелә.

Киләсе матчны ТР җыелма командасы 13 августта уздырачак. Көндәше Мәскәү җыелмасы булачак.