«Крылья Советов» паркында ишегалды футболы буенча балаларның ачык турниры узачак

2024 елның 16 августы, җомга

17 августта «Крылья Советов» паркында «Рубин» ДФЛ оештырган ишегалды футболы буенча балалар арасында ачык турнир узачак.

Турнир ике этапта узачак — интеллектуаль һәм спорт. Егетләргә «Рубин» ФК тарихы һәм футбол кагыйдәләре турындагы сорауларга җавап бирергә туры киләчәк, ә соңыннан катнашучылар командаларга бүлешәчәк һәм 5×5 форматында уйнаячак.

Турнирда 9 яшьтән 16 яшькә кадәрге яшь футболчылар катнаша ала. Моның өчен сезгә telegram-бот аша сылтама буенча теркәлү узарга кирәк.

Иң мөһиме: ата-аналарның (балигъ булган озата баручы) булуы яисә алардан язмача рөхсәт алу мәҗбүри.

Чара паркның футбол мәйданчыгында узачак. Ярышлар 11:00 сәгатьтә башлана.