Россиянең ир-атлар җыелма командасы – Милләтләр кубогы иясе

2024 елның 28 августы, чәршәмбе

27 августта Казанда Чирәмдәге хоккей буенча «Милләтләр кубогы» халыкара турниры тәмамланды. Ир-атлар турнирында Россия җыелма командасы җиңүче булды. Алар Беларусь җыелмасын 3:0 исәбе белән җиңде.

Бронза өчен матчта Россия яшьләр җыелма командасы хоккейчылары җиңүче булды.

Исегезгә төшерәбез, хатын-кызлар турнирында алтын медальләрне шулай ук Россия спортчылары яулады.