Татарстан муниципалитетлары арасында «ГТО белән 1 сыйныфка» онлайн-акциясе старт ала
2 сентябрьдә Татарстан Республикасында яңа уку елы башлануга багышланган «ГТО белән 1 сыйныфка» онлайн-акциясе старт ала.
Конкурста 6-7 яшьлек беренче сыйныф укучылары катнаша ала. Аларга түбәндәге сынаулар буенча ГТО нормативларын үтәү белән видеоролик яздырырга кирәк:
- гәүдәне аркада яткан килеш күтәрү (пресс) - 15 тапкыр (малайлар), 14 тапкыр (кызлар)
- 30 метрга йөгерү
- урыннан ике аяк белән этеп озынлыкка сикерү
Шулай ук видеороликта ГТО символикасы да булырга тиеш.
Конкурсның беренче, муниципаль этабы 13 сентябрьгә кадәр дәвам итәчәк. Республика этабына һәр районнан берәр иң яхшы ролик узачак.
Йомгак ясау һәм җиңүчеләрне билгеләү 20 сентябрьдә булачак. Алар түбәндәгечә билгеләнә:
- Бер җиңүче судьялар коллегиясенең оффлайн тавыш бирү юлы белән билгеләнәчәк;
- Җиңүче бер район – муниципаль районнар Үзәк телевидениесе битләрендә ВКонтакте социаль челтәрендәге видеороликның иң күп лайклары булган;
- Җиңүче бер район – очраклы саннар генераторы ярдәмендә җиңүче (муниципаль районның номеры алфавит тәртибенә туры китереп билгеләнәчәк).
Җиңүчеләр дипломнар, ГТО символикасы төшерелгән сувенир продукция алачак.
Исегезгә төшерәбез, ГТО комплексы чаралары «Спорт – тормыш нормасы» федераль проектын «Демография» милли проектын гамәлгә ашыру кысаларында уздырыла.