Айгөл Хәбибуллина – пуля белән ату буенча Россия Кубогының 6 этабы җиңүчесе

2024 елның 30 августы, җомга

Мәскәү өлкәсендә пуля белән ату буенча Россия Кубогы финалы уза. Чираттагы медальне ТР җыелма командасы копилкасына пуля белән ату буенча РОРСМ тәрбияләнүчесе Айгөл Хәбибуллина салды.

Спортчы «пневматик винтовка, 10м, 60 ату басып тору хәленнән» күнегүендә чыгыш ясады һәм квалификациядә 627,4 очко җыйды. Алтын өчен матчта ул Красноярск өлкәсеннән Юлия Круглованы җиңде, 16-14.

Никита Масленников үзен бик яхшы күрсәтте. Финал раундының иң яшь катнашучысы «кечкенә калибрлы винтовка, 50м, өч позициядән ату» күнегүендә 586 очко белән шәхси рекорд куйды һәм 8 нче урынны алды.

Айгөл Хәбибуллина һәм Никита Масленников тренер Екатерина Лузганова җитәкчелегендә Мирный бистәсендәге Динамо пулялы ату комплексы базасында шөгыльләнәләр.