Владимир Леонов Аксубай районы укучыларын Белем көне белән котлады
Бүген беренче кыңгырау Аксубай районының 2000нән артык укучысы өчен яңгырады. Беренче сыйныфка – 165, унынчы сыйныфка 106 укучы барды.
Район үзәгенең 2нче мәктәбе укучыларын һәм Аксубай универсаль технологияләр техникумы студентларын Белем көне белән Татарстан Республикасы спорт министры Владимир Леонов котлады.
Ведомство башлыгы үзенең чыгышын беренче сыйныф укучыларына һәм чыгарылыш сыйныф укучыларына юнәлтте, беренчесенә уңышлы мәктәп юлы, ә икенчесенә киләчәктә кирәкле белгеч булу өчен һөнәр сайлауны билгеләүләрен теләде.
Владимир Леонов укучыларны Татарстан Республикасы Рәисе исеменнән котлады. Спорт министры билгеләп үткәнчә, Аксубай районында спорт инфраструктурасы бик нык үскән һәм барысын да спорт белән шөгыльләнергә чакырды.
«Аксубай – спорт корылмалары ягыннан иң бай районнарның берсе. Спорт белән шөгыльләнегез, алга гына хәрәкәт итегез», — дип теләде Владимир Леонов.