Министрлыкның Иҗтимагый советы әгъзасы Александр Даренков беренче сыйныф укучыларын Татарстан спорт җәмәгатьчелеге исеменнән котлады
2024 елның 2 сентябрендә Татарстан Республикасында Белем көненә һәм яңа уку елы башлануга багышланган тантаналы линейкалар узды. Танылган спортчылар һәм тренерлар мәктәп чараларының рәсми өлешендә катнаштылар.
Татарстан Республикасы спорт министрлыгының Иҗтимагый советы әгъзасы, Россия көрәш сәнгате берлегенең Татарстан Республикасы буенча башкарма комитеты җитәкчесе Александр Даренков Казан шәһәренең Вахитов районындагы 98 нче урта гомуми белем мәктәбе укучыларын һәм укытучыларын Татарстан Республикасы спорт җәмәгатьчелеге исеменнән котлады.
Киокусинкай Федерациясендә тәрбияләнүчеләр беренче сыйныф укучылары өчен күрсәтмә программа белән чыгыш ясадылар.
Александр Даренков мәктәп директорын балалар спорты һәм көрәш сәнгате үсешенә керткән өлеше өчен ТР Спорт министрлыгының һәм ТР буенча Россия көрәш сәнгате берлегенең филиалының Мактау грамотасы белән бүләкләде, шулай ук укучыларның рухи һәм физик камилләшүенең, яшь буынга патриотик һәм әхлакый тәрбия бирүнең әһәмиятен ассызыклады.