Имам Хатаев ТАБФ чемпионы титулын яклады

2024 елның 6 сентябре, җомга

5 сентябрьдән 6 сентябрьгә каршы төндә Канадада "Казино Монреаль" аренасында Россия боксчысы Имам Хатаев һәм аргентиналы Эсекьель Мадерна арасында ярым авыр үлчәү категориясенең рейтинг көрәше узды.

Ярыш Имам Хатаевның җиңүе белән тәмамланды, җиденче раундның 45 нче секундында рефери мадернаның техник нокаутын теркәде.

Бу Татарстан динамочысы өчен Төньяк Америка бокс федерациясе чемпионы титулын беренче тапкыр яклау булды. Бу поясны россияле гыйнварда Михаил Людвичак белән көрәштә яулады. Май аенда Хатаев Австралиядә алтынчы раундта техник нокаут белән Ричард Болотникны җиңде.