Казанда Суперкубок өчен көрәш
Казан һәм Мәскәү «Динамо»сы сезонда беренче трофей өчен 11 сентябрьдә 19:30 сәгатьтә волейбол үзәге паркетында очрашачак.
Волейбол буенча Россия Суперкубогы – илнең ике әйдәп баручы волейбол клубы арасында ел саен үткәрелә торган матч. «Динамо - Ак Барс» – Россиянең гамәлдәге чемпионы, әмма 2023 елгы Ил Кубогы нәкъ менә Мәскәүнең «Динамо» активында. Шуңа күрә быел илнең Суперкубогы өчен көрәштә җанатарлар яңадан принципиаль «Динамо» дербисын күрәчәк.
Яңа сезонда Зоран Терзич егетләре Легендалар Кубогы кысаларында принципиаль көндәшләре белән ике тапкыр очрашырга өлгергән, анда ике очрашуда да Казан «Динамо»сы өстенлек иткән (3:1, 3:0). Ә 8 сентябрьдә узган соңгы матчта «Динамо-Ак Барс» Мәскәү «Динамо»сын капитуляцияләргә мәҗбүр итте, икенче сетны 25:9 исәбе белән тәмамлады.