Татарстан чаңгычылары чаңгы роллерлары буенча Россия чемпионатында бөтен пьедесталны яуладылар

2024 елның 16 сентябре, дүшәмбе

2024 елның 15-19 сентябрендә Төмән өлкәсенең «Себер энҗесе» кышкы спорт төрләре өлкә үзәге базасында Чаңгы узышлары (чаңгы роллерлары) буенча Россиянең Җәйге чемпионаты уза.

15 сентябрьдә ирекле стиль белән 20 км га узышта Савелий Коростылев (45.54,9), Сергей Волков (+2,4) һәм Сергей Ардашев (+11,0) беренче өч урынны яуладылар, Татарстан җыелма командасының бу дисциплинада тулы җиңүен тәэмин иттеләр.