Казанда Ф. Г. Вәлиев истәлегенә бадминтон буенча Турнир тәмамланды
18-20 сентябрьдә Россиянең иң көчле бадминтончылары Татарстан башкаласының Бадминтон үзәгендә Ф.Г. Вәлиев истәлегенә уздырылган турнирда чыгыш ясадылар.
Татарстан Республикасы «Динамо» физкультура-спорт җәмгыяте коллективы – Татарстан Республикасы Бадминтон федерациясеннән чыгыш ясаучы Татарстан Республикасы спортчылары 2 алтын һәм 4 бронза медаль яуладылар.
Ярышларда җиңүчеләрне һәм призерларны бүләкләү тантанасында Татарстан Республикасы «Динамо» физкультура-спорт җәмгыяте бүлеге башлыгы Равил Фазылҗанов катнашты, ул шулай ук спорт җәмгыяте җитәкчелеге исеменнән Татарстан «Динамо» сына югары бүләкләр тапшырды.
ТР Бадминтон федерациясе рәисе Юрий Чаплыгин «Физик культураны һәм спортны үстерүгә керткән зур өлеше, динамо хәрәкәтен пропагандалау, популярлаштыру һәм югары спорт нәтиҗәләре өчен» Татарстан Республикасы «Динамо» физкультура-спорт җәмгыяте истәлекле медале белән бүләкләнде. «Спортта зур уңышлары өчен» мактаулы көмеш медаль белән 2020 елгы Олимпия уеннарында катнашучылар, Европа чемпионаты призерлары, БРИКС илләре уеннары җиңүчеләре, Россия чемпионаты җиңүчеләре һәм призерлары, халыкара класслы спорт мастерлары Евгения Косецкая һәм Сергей Сирант, Россия чемпионаты һәм халыкара ярышлар җиңүчеләре һәм призерлары, спорт мастерлары Павел Монич һәм Анастасия Редькина бүләкләнде.
Вәлиев истәлегенә Турнир нәтиҗәләре
Ир-атлар ялгыз разряды:
1 Сирант Сергей ТТР
2 Печенкин Артур МСО
3/4 Мулеев Никита ТТР
3/4 Добычкин Владслав МСО
Хатын-кызлар ялгыз разряды:
1 Косецкая Евгения ТТР
2 Комендровская Елена МСГ
3/4 Осияненко Анастасия МСГ
3/4 Чушкина Александра МСГ
Ир-атлар парлы разряды:
1 Зинченко Александр МСГ/ Печенкин Артур МСО
2 Григоренко Александр МСО/ Степаков Глеб МСО
3/4 Пушкарев Игорь ЛГО/ Смирнов Егор СПГ
3/4 Монич Павел ТТР/ Мулеев Никита ТТР
Хатын-кызлар парлы разряды:
1 Акчурина Анастасия МСГ/ Дәүләтова Алинә БШР
2 Боярун Анстасия СПГ/ Яковлева Алена СПГ
3/4 Галиева Регина ТТР/ Редькина Анастасия ТТР
3/4 Галиәхмәтова Регина ТТР/ Косецкая Евгения ТТР
Катнаш парлы разряд:
1 Степаков Глеб МСО/ Давлетова Алина БШР
2 Афонин Андрей МСГ/ Алимова Анастасия
3/4 Зинченко Александр МСГ/ Акчурина Анастасия МСГ
3/4 Клименко Дмитрий СПГ/ Боярун Анастасия СПГ
Белешмә
Фәрит Габдулла улы Вәлиев (1941-2022) – Татарстан Республикасында бадминтонга нигез салучы. Фәрит Габдулла улы, Казан дәүләт финанс-икътисад институтында бадминтон секциясен оештырып, күп еллар буена әлеге спорт төрен үстерә. Бу вакыт эчендә тренер бөтенроссия һәм халыкара ярышларда җиңүчеләрнең берничә буынын Әзерләде, Казанда һәм республика районнарында бадминтонны үстерү буенча актив эш оештырылды.
Фәрит Габдулла улы педагогика фәннәре кандидаты булган һәм 50 елдан артык Казан дәүләт финанс-икътисад институтында эшләгән. Озак вакыт уку йорты Татарстанда бадминтон үсеше өчен база булды, ә югары уку йорты студентлары бадминтон буенча Татарстан Республикасы җыелма командасының төп өлешен тәшкил итте.
2017 елда ачылган бадминтон буенча республика спорт мәктәбе Фәрит Вәлиев исемен йөртә. 2016 елдан башлап Казанда ел саен яшүсмерләр һәм өлкәннәр арасында «Ф.Г. Вәлиев кубогы» Бөтенроссия ярышлары үткәрелә, анда бөтен илдән иң көчле спортчылар җыела. 2022 елдан Турнир Татарстанда бадминтонга нигез салучы истәлегенә үткәрелә.