Грек-рим көрәше буенча турнирда Татарстан көрәшчеләре 4 медаль яулады

2024 елның 23 сентябре, дүшәмбе

20-22 сентябрь көннәрендә Кирово-Чепецк шәһәрендә «УралХим» компаниясе призларына кече яшьтәге (2013-2014 елгы) яшүсмерләр арасында грек-рим көрәше буенча 55 нче традицион турнир узды.

Ярышларда Россиянең 18 төбәгеннән 240 көрәшче катнашты. Татарстан Республикасыннан килгән «Динамо» спорт мәктәбе көрәшчеләре 4 медаль яулады: көмеш – Әмир Зәйнуллин һәм Данил Сабиров, бронза – Ролан Ерохин һәм Ислам Зиннәтов.

Спортчыларны тренер Әнәс Гәриев Әзерләде.