Татарстанлылар-көрәш буенча Россия Кубогы җиңүчеләре
Төмәндә Россия Герое Рөстәм Сәйфуллин призына көрәш буенча команда кубогы ярышлары узды. «Строймаш» спорткомплексындагы турнирда Россиянең 24 төбәгеннән 150 дән артык спортчы көч сынашты.
Кубокның тантаналы чараларында Россия Көрәш федерациясе вице-президенты Равил Ногманов, Россия Герое, полковник Рөстәм Сәйфуллин, Төмән шәһәренең Спорт департаменты директоры Сергей Борисевич һәм Төмән шәһәр Думасы рәисе Светлана Иванова катнашты.
Ачылу тантанасы кысаларында Равил Ногманов Россия Герое Рөстәм Сәйфуллинга көрәшнең исемле формасын тапшырды, Төмән өлкәсе көрәш федерациясе президенты, эшмәкәр Рөстәм Сәмкаевка Россиядә көрәшне үстергән өчен медаль тапшырылды, ә Төмән көрәш федерациясе рәисе Дәүләт Хәйретдинов Россия спорт министрлыгының 100 еллык юбилей медале белән бүләкләнде.
Корэш Төмән өлкәсендә актив үсә, бу хакта Ханты-Манси автономияле округы Башлыгы һәм Төмәннең элеккеге мэры Руслан Кухарукның ярдәм итүе дәлилли, ул берничә тапкыр корэш буенча ярышларда катнашкан.
Ярышлар йомгаклары буенча Россия Кубогында беренче урынны Татарстан Республикасы җыелма командасы алды, икенче урында Төмән өлкәсе җыелма командасы, өченче урынны Башкортостан Республикасы җыелма командасы һәм Идел буе федераль округы җыелма командасы спортчылары бүлеште. Киләсе көрәш буенча бөтенроссия ярышлары Казанда узачак, анда 21-24 ноябрьдә шәхси Россия Кубогы узачак.