Казан спортчылары «Россиянең Олимпия өметләре»ндә 5 медаль яулады
Казан теннис академиясендә «Россиянең Олимпия өметләре»Бөтенроссия теннис турниры ахырына якынлашты. Татарстан башкаласына турнирга бөтен илдән сәләтле теннисчылар килде. Алар өч яшь төркемендә — 13, 15 һәм 17 яшькә кадәр ярыштылар. Турнирның бу этабы 2024 елда финал булды.
Казан спортчылары медальсез калмады. Алар бу атна дәвамында 5 регалия яуладылар.
Микстта 15 яшькә кадәрге яшь төркемендә икенче урынны Дэвид Вәлиев һәм Зарина Фәйзрахманова яулады. 9 ноябрьдә финалда алар Мәскәүдән килгән көндәшләренә — Алена Харченко һәм Илья Георгиадиска гына оттырдылар.(6:3, 6(5):7, 4:10).
17 яшькә кадәр катнаш парларда алтынны Илья Мосолкин яулады. Химкидан иптәше Дарья Корешкова белән ул финал дуэлендә Катарина Миллер һәм Филипп Долотовны узып китте.— 7:6(2), 6:4.
Коллекциясен көмеш белән Трофим Сухих тулыландырды. Ул турнирда Туладан Прохор Кожеуров белән уңышлы чыгыш ясады, финалда гына оттырды— 4:6, 6:4, 8:10.
Икенче көмеш медальне Илья Мосолкин Рафаэль Асадуллин белән тандемда яулады. Казан спортчылары финалда Мәскәүдән Алан Аюханов һәм Алексей Шибаев белән очраштылар һәм матч нәтиҗәләре буенча икенче урында ныгыдылар— 1:6, 6:3, 4:10.
Анастасия Лизунова шулай ук 17 яшькә кадәрге ялгыз разрядта көмеш финалист булды: Түбән Новгородтан Полина Березинага каршы матч тәмамлангач исәп 6:3, 2:6, 3:6.