Казанда өстәл теннисы буенча Татарстан Республикасы Дәүләт хезмәткәрләре Спартакиадасы тәмамланды
Казан, 9 ноябрь - Татарстан башкаласында республика дәүләт хезмәткәрләренең еллык Спартакиадасы кысаларында Өстәл теннисы буенча ярышлар тәмамланды. Чарага төбәк министрлыклары һәм ведомстволарының 20 командасыннан 60 тан артык катнашучы җыелды.
Катнашучылар көне буе үзләренең осталыкларын һәм җиңүгә омтылышларын күрсәттеләр, хезмәттәшләре арасында иң яхшылар дип аталу хокукы өчен көрәштеләр. Ярышлар дустанә атмосферада узды, әмма һәр матч киеренкелек һәм уңышка омтылыш белән тулы иде.
Команда зачетында җиңүчеләр булдылар:
1 урын-Татарстан Республикасы Рәисе администрациясе
2 урын – Хисап палатасы
3 урын-Татарстан Республикасы Министрлар Кабинеты Аппараты
Оештыручылар катнашучыларның югары әзерлек дәрәҗәсен билгеләп үттеләр һәм мондый чаралар дәүләт хезмәткәрләре арасында корпоратив рухны ныгытуга һәм сәламәт яшәү рәвешен популярлаштыруга ярдәм итәр дип ышаныч белдерделәр. Бу максатлар «Спорт – тормыш нормасы» федераль проектын «Демография» милли проектын тормышка ашыруга туры килә.
Киләсе Спартакиада ярышлары бу атнада ук узачак. 16 ноябрьдә бадминтон буенча турнир була.