Казанда «ҮСЕНТЕЛӘР: Россия һәм Кытай – үзара файдалы хезмәттәшлек»халыкара форумы кысаларында Өстәл теннисы буенча турнир старт алды
Бүген, 15 ноябрьдә, «Бокс һәм өстәл теннисы үзәгендә» 16 яшькә кадәрге кызлар һәм егетләр арасында өстәл теннисы буенча республика спорт ярышлары старт алды. Чара «үсентеләр: Россия-Кытай - үзара файдалы хезмәттәшлек»халыкара форумы программасы кысаларында уза.
Команда турниры республиканың 11 районыннан һәм Казан шәһәреннән 24 команданы җыйды, аларның һәркайсы дүрт кешедән тора. Катнашучылар үзләренең осталыкларын күрсәтү һәм җиңү өчен, көрәшү өчен Татарстанның барлык почмакларыннан килделәр.
Ярышларны ачу тантанасында Татарстан Республикасы спорт министры Владимир Леонов булды. Үзенең сәламләү чыгышында ул мондый чараларның төбәктә спорт хәрәкәтен үстерү һәм халыкара элемтәләрне ныгыту өчен мөһимлеген билгеләп үтте.
«Мондый дәрәҗәдәге турнирлар яшь спортчыларның үсешенә генә түгел, ә илләр арасындагы дуслыкны ныгытуга да ярдәм итә, - диде Владимир Леонов. – Ышанам , әлеге форум безнең яшь катнашучылар өчен дә, республиканың барлык спорт җәмәгатьчелеге өчен дә әһәмиятле вакыйга булачак».
Шул ук көнне кич белән спорт вакыйгалары программасын «КИЧКЕ ЛИГА» команда турниры дәвам итәчәк, ул төрле илләр һәм эшчәнлек өлкәләре вәкилләрен берләштерәчәк. Турнирда дүрт кешедән торган командалар катнашачак: өстәл теннисы буенча ике спортчы һәм Кытай Халык Республикасының ике рәсми заты, шулай ук өстәл теннисы буенча илкүләм җыелма команданың ике әгъзасы һәм ике дәүләт хезмәткәре. Командалар шобага салу юлы белән формалашачак, бу көтелмәгәнлек элементын өстәячәк һәм ярышларны тагын да мавыктыргычрак итәчәк.
Бу турнирда Россия Федерациясе Хөкүмәте Рәисе урынбасары Александр Новак, Россия Федерациясе Федераль Собраниесе Дәүләт Думасы депутаты һәм ФНТР президенты Александр Бабаков, Чунцинь шәһәре халык вәкилләре җыелышы Даими комитетының партия төркеме секретаре урынбасары Чжан Мин, Россиядә Кытай эшмәкәрләре берлеге Рәисе Чжоу Лицюнь, шулай ук Россия җыелма командасы әгъзалары Никита Артеменко һәм Вильдан Гадиев катнашачак. Кытай профессионаллары ягыннан илкүләм студентлар ярышларында күп тапкырлар чемпионнар булган Ян Жулинь һәм Ван ди.
Турнирның бу форматы катнашучыларга үз осталыкларын күрсәтү генә түгел, ә халыкара элемтәләрне ныгыту, тәҗрибә уртаклашу һәм төрле дәүләт һәм һөнәр вәкилләре арасында дустанә мөнәсәбәтләр урнаштыру мөмкинлеге бирәчәк.
Ярышларны трансляцияләү.