Казанда "Сила Татарии" чир спорт буенча Бөтенроссия ярышлары старт алды
Бүген Казанда тантаналы рәвештә «Сила Татарии»спорт чире буенча Бөтенроссия ярышлары ачылды. Чарада илебезнең 130 клубыннан 2 900 дән артык спортчы катнаша. . Чара «Демография» милли проекты максатларын гамәлгә ашыру өчен үткәрелә.
Ачылу тантанасында Татарстан Республикасы спорт министры урынбасары Илдар Садриев булды. Ул төбәк территориясендә мондый зур спорт чараларын уздыруның мөһимлеген билгеләп үтте.:
"Татарстан массакүләм спортны үстерүдә һәрвакыт алдынгы төбәкләрнең берсе булды һәм булып кала. Чир спорты буенча бөтенроссия ярышларын безнең республикада уздыру-казанышларыбызны тану гына түгел, ә бөтен ил алдында зур җаваплылык та ул. Без ышанабыз, бу турнир катнашучылар өчен дә, тамашачылар өчен дә якты вакыйга булачак" , - диде Илдар Садриев.
Өч көн дәвамында катнашучылар үз дисциплиналарында иң яхшылар исеме өчен көрәшәчәкләр. Ярышларга барлыгы 850ләп чыгу көтелә. Спортчыларны әзерләүгә Россиянең барлык почмакларыннан 350 тренер җәлеп ителгән.
Яшь спортчылар өчен фестиваль, шулай ук Россиядә Гаилә елына багышланган чаралар кысаларында ата-аналар командалары арасында ярышлар уздыруга аерым игътибар бирелде.
Турнирның хөкемдарлар коллегиясе Россия Федерациясенең 16 субъектыннан 39 югары квалификацияле белгечтән тора. Бу әлеге спорт вакыйгасының югары дәрәҗәдә оештырылуын һәм әһәмиятен ассызыклый.
Беренче мәртәбә Татарстан үзендә шундый масштабтагы ярышларны кабул итү хокукына ия булды, бу регионда спорт чирен үстерүдә мөһим адым булды.