Чаңгы узышлары буенча Россия Кубогының V этабы Казанда 2025 елның гыйнварында узачак
Гыйнварда Казан 2024/25 елгы Россия Кубогының V этабын кабул итәчәк. Ярышлар 2025 елның 15-19 гыйнварында Мирный бистәсендәге чаңгы-биатлон комплексы территориясендә узачак.
Бөтен ил спортчылары Казанга үз осталыкларын күрсәтү һәм дәрәҗәле турнир медальләре өчен көрәшү өчен киләчәк. Этап кысаларында ирекле һәм классик стильдә узышлар һәм спринтлар узачак. Татарстан башкаласына илнең әйдәп баручы чаңгычылары Александр Большунов, Савелий Коростелева, Анастасия Фадеева, Лидия Горбунова һәм башкалар киләчәк.
Республика чаңгы-биатлон комплексы үзен күптәннән эре ярышлар уздыру өчен иң яхшы спорт мәйданчыкларының берсе буларак танытты. Заманча трасса, әзерлек өчен менә дигән шартлар, шулай ук алга киткән инфраструктура аны Россия кубогы этапларын уздыру өчен идеаль урын итә.
Тамашачылар өчен уңайлы парковка, туклану пунктлары оештырылачак, шулай ук бүләкләр уйнатылачак. Ярышларга керү ирекле.