Ю. М. Красильников истәлегенә уздырылган Бөтенроссия ярышларының беренче көнендә Татарстан җиңел атлетлары 8 медаль яулады
21 ноябрьдә Казанда Россиянең атказанган тренеры Ю.М. Красильниковны искә алу буенча Бөтенроссия ярышларының беренче көне тәмамланды.
Спортчылар 60,400 һәм 3000 метрга йөгерү, ядрә ыргыту буенча озынлыкка һәм биеклеккә сикерү, шулай ук колга белән көч сынаштылар.
Татарстан җиңел атлетлары стартта 8 медаль яулады:
Өчле сикерүдә Лилия Әхмәтгәрәева алтын медаль яулады. Кыз 12.23 метр нәтиҗә күрсәтте һәм 18 яшькә кадәрге ярышларда рекорд куйды. Бронза медальләрне Архипп Сущенко (16 яшькә кадәр) һәм Алсу Гаделшина (20 яшькә кадәр) яулады.
20 яшькә кадәрге кызлар арасында ядрә ыргытуда 11.85 метр нәтиҗәсе белән Карина Билданова Җиңүне бәйрәм итте; шул ук яшьтәге ир-атлар арасында өченче нәтиҗәне Богдан Пырочкин күрсәтте (13.61).
60 метрга йөгерү берьюлы 2 алтын китерде. 16 яшькә кадәрге яшүсмерләр арасында Кирилл Шеховцов (7.22 секунд) иң яхшысы булды, 20 яшькә кадәрге ир-атлар арасында Данис Гаязетдинов (6.98 секунд) җиңде. 18 яшькә кадәрге яшүсмерләр арасында Никита Ерехов бронза медаль алды (7.09 секунд).
Ярышлар дәвам итә. Бүген 200, 800 метрга йөгерүдә, биеклеккә һәм озынлыкка сикерүдә, шулай ук ядрә ыргытуда медальләр уйнатылачак.