Чаллы Динамовцлар ачык дәрес үткәрделәр
26 ноябрь көнне «Динамо» һәм Татарстан МВД ветераннары 77 нче гимназия укучылары өчен ачык дәрес һәм ярыш үткәрделәр.
Икенче сыйныф укучылары белән Чаллының атаклы спортчылары - Олимпия чемпионы, Дөнья чемпионатының бронза призеры, Европа чемпионатлары һәм Кубоклары, Россия чемпионатлары һәм кубоклары җиңүчесе һәм призеры, җиңел атлетика буенча атказанган спорт мастеры Гөлнара Галкина-Сәмитова; Олимпия уеннарында катнашучы, Европа Кубогы призеры, Россия чемпионатлары һәм Кубокларының берничә тапкыр җиңүчесе һәм призеры, җиңел атлетика буенча халыкара класслы спорт мастеры Антон Галкин-Сәмитов очрашты; ветераннар арасында халыкара һәм бөтенроссия ярышларында җиңүче һәм призер, Яр Чаллы шәһәре УФИС ветераннар Советы Рәисе, спорт мастеры Әхмәт Нәбиуллин.
Мөхтәрәм кунаклар балаларга хокук тәртибе һәм куркынычсызлык органнарындагы эшләре, спорттагы уңышлары турында сөйләделәр, осталык серләре белән уртаклаштылар. Аннары яшь спортчылар өчен 50 метрга йөгерү буенча ярышлар оештырылды.
Старт нәтиҗәләре буенча ветеран-динамочылар җиңүчеләрне һәм призерларны бүләкләделәр.
Кызлар арасында:
1 урын-Милана Хәйруллина (08.46)
2 урын – Риаанна Хәйретдинова (09.27)
3 урын-Мария Соловьева (09.41)
Малайлар арасында:
1 урын-Владимир Титов (08.77)
2 урын-Ислам Хөснуллин (09.27)
3 урын-Семен Ядренцев (09.52)
Чара «Яр Чаллы» урта гомуми белем бирү мәктәбенең җиңел атлетика залында узды. Яшь җиңел атлетлар өчен бинаны спорт мәктәбе директоры Мөхәммәтхамат Нәҗипов – халыкара класслы спорт мастеры, халыкара, Бөтенсоюз һәм Бөтенроссия марафоннары һәм ярыммарафоннары җиңүчесе һәм призеры бирде.
Гимназия вәкиле һәм ярышларда катнашучы балаларның сыйныф җитәкчесе Гүзәлия Вәлиева оештыручыларга – Динамо, «Яр Чалы» урта гомуми белем бирү мәктәбе һәм шәһәрнең УФИС ветераннарына үткәрелгән чара өчен рәхмәт белдерде.