«Зилант» гандбол буенча Россия чемпионаты матчында «Чехов аюлары» дублен отты
27 ноябрьдә Казанда «КАИ-Олимп» КСК мәйданчыгында «Зилант» һәм «Чехов аюлары-2» арасында сериянең беренче матчы узды.
Бу юлы мәйданчык хуҗалары үзләрен матчның абсолют лидерлары итеп хис иттеләр, бу таблода чагылды. 2 ярты сәгатьлек таймда командалар 59 туп кертте. Йомгаклау счеты- 42:17 Казан файдасына.
«Зилант» составында Никита Ермашевич (8), Руслан Хәбибов (6), Артем Сухочев (6), Иван Чапленков (5), Данил Гумянов (5), Владислав Размаев (3), Павел Елистратов (2), максим Васильев (2), Дмитрий Датчук (2), Виктор Николаев (1), Юрий Семенов (1), Денис Корякин (1) гол керттеләр.
Сериянең беренче матчында җиңүне команданың уң ярым урта уенчысы Артем Сухачев шәрехләде:
«Безнең өчен бу җиңел уен булды, чөнки көндәш командасы әле бик яшь һәм алар гандболда үз амбицияләрен һәм күнекмәләрен генә үстерәләр. Шулай булгач, Җиңү аңлашыла иде. Иртәгә нәрсә буласын карарбыз».
Командалар арасындагы икенче уен 28 ноябрьдә 13:00 сәгатьтә шул ук мәйданчыкта узачак.