Казанда «Казан акватлоны» буенча акватлон ярышлары узды
2024 елның 8 декабрендә акватлон буенча ярышлар (йөзү + йөгерү), 13 яшьтән 60 яшькә кадәрге катнашучылар арасында «Казан акватлоны» республика турниры һәм 7 яшьтән 12 яшькә кадәрге малайлар һәм кызлар арасында «Триатлон буенча балалар лигасы» республика ярышлары узды. Ярышларда Россия Федерациясенең 6 төбәгеннән 350 дән артык спортчы катнашты: Удмуртия Республикасы, Марий Эл Республикасы, Чуваш Республикасы, Ульяновск өлкәсе, Пермь крае, Татарстан Республикасы (Казан, Әлмәт, Зәй, Тукай районы, Кукмара, Яшел Үзән, Иннополис, Тәтеш районы).
Шулай ук әлеге чара кысаларында беренче тапкыр «Сл – триатлон» (Сукырлар спорты) дисциплинасында Триатлон буенча Татарстан Республикасы Чемпионаты узды.
Балалар лигасының генераль партнеры булып «СМУ-88» компаниясе тора, аларның ярдәме белән яшь катнашучылар матур футболкалар һәм финишчы медальләре, шулай ук кыйммәтле призлар алдылар.