Фәнис Вагыйз улы - ишкәк ишү спорты федерациясенең яңа президенты
Бүген, 11 декабрьдә, Спортның ишкәк ишү төрләре үзәгендә ТР Ишү спорты федерациясенең чираттан тыш сайлау конференциясе узды.
Конференциядә Леонов Владимир Александрович - Татарстан Республикасы спорт министры; Шәйхетдинов Хәлил Хәмит улы - Татарстан Республикасы спорт министрының беренче урынбасары; Нурмөхәммәтов Фәнис Вәгыйз улы - «Казэнерго» АҖ генераль директоры, VII чакырылыш Татарстан Республикасы Дәүләт Советы депутаты; Плюшкин Александр Васильевич - академик ишү буенча Россиянең атказанган спорт мастеры; Гарипов Линар Зимфир улы - Казан шәһәре Башкарма комитетының физкультура һәм спорт комитеты башлыгы Баһаветдинов Альберт Шамил улы - Спорт әзерлеге үзәге директоры.
Көн тәртибендәге төп сораулар:
- «ТР ФГС» РОО Президентын һәм вице-президентын сайлаулар
- «ТР ФГС» РОО Президиумы әгъзаларын сайлау
- Ревизия комиссиясен сайлау.
- «ТР ФГС» Уставына үзгәрешләр кертү.
Конференцияне Шамил Агиевка республикада ишү спортын үстерүгә керткән өлеше өчен рәхмәт сүзләре белән башладылар. Шамил Рәхим улы федерация президенты вазыйфасын 14 ел башкарды.
«Беренче чиратта Шамил Рәхим улына ишү спортына керткән өлеше өчен рәхмәт белдерәсем килә, ул уникаль кеше! Ләкин вакыт бер урында тормый, һәм без алга барабыз. Бу ике яклы карар иде, һәм сөйләшүләр инде күптән башланды. Бәхеткә, Татарстанда барысы да бик тиз үсә һәм алга бара, федерациянең бу өлкәдәге казанышлары бик зур һәм бүген без Россиядә спортның ишү төрләренең иң яхшы үзәкләренең берсенә ия. Быел без иң югары дәрәҗәдә БРИКС илләре уеннары турнирын үткәрә алдык, шуның нәтиҗәсендә без спортның ишү төрләре үзәген яңарттык. Спорт инфраструктураларын яңартуда ярдәм иткән җитәкчеләребезгә зур рәхмәт. Хәзер безгә бары тик алга барырга гына кирәк, бигрәк тә без спорт регионы буларак Татарстан статусына ия!»,- дип башлады конференцияне Татарстан Республикасы спорт министры Владимир Александрович.
Конференция барышында катнашучылар бертавыштан тавыш бирделәр һәм Федерация Президенты вазифасына Фәнис Вәгыйз улы Нурмөхәммәтов кандидатурасын хупладылар, Вице-президент итеп Плюшкин Александр Васильевич сайланды.
«Күрсәтелгән ышаныч өчен зур рәхмәт. Чынлыкта бу спорт төре гади генә түгел, һәм мин бу хакта ишетеп кенә белмим. Минем улым инде 4 ел бу спорт белән шөгыльләнә һәм шул вакыттан башлап мин бөтен дөньяны белдем. Безнең тренерлар составы һәм команда зур молодецлар, мин мондый состав белән бик горурланам. Бу потенциалны алга таба да үстерәчәкбез. Мин состав, коллектив белән таныштым һәм шөгыльләнү һәм зур биеклеккә ирешү өчен бөтен инфраструктура булуына инандым! Киләчәктә, әлбәттә, спортның әлеге төре үсеп килүче буын арасында үссен өчен дә эшләячәкбез. Без яңа биеклекләрне яулау өчен яңа максатлар һәм бурычлар куячакбыз!»,- диде Фәнис Вәгыйзович.