Татарстан спортчылары айкидо буенча Россия чемпионаты медальләрен алып кайтты

2024 елның 14 декабре, шимбә

6-9 декабрьдә Мәскәү шәһәрендә айкидо фестивале һәм сугыш сәнгатенең бу төре буенча Россия чемпионаты узды. Ярышларда Россия Федерациясенең 27 төбәгеннән 117 спортчы катнашты.

Россия милли спорт ассоциациясенең Татарстан Республикасы буенча төбәк бүлегеннән ике спортчы катнашты, алар югары нәтиҗәләр күрсәттеләр:

- Балуев Кирилл «Кихон Вадза» (парлы разряд) һәм «Дзию Вадза» (парлы разряд) дисциплиналарында бронза медальләр яулады.

- Юнысова Лилия шулай ук «Кихон Вадза» дисциплинасында (парлы разряд) бронза медаль иясе булды.

Ярышлар йомгаклары буенча ике спортчы да айкидо буенча Россия Федерациясе җыелма командасы составына кертелде.