Татарстан командасы чаңгы ярышлары буенча Россия Кубогының 3 этабыннан соң алда бара
15 декабрьдә Чусовой шәһәрендә Чаңгы ярышлары буенча Россия Кубогының 3 этабы тәмамланды. Турнирдан Татарстан чаңгычылары төрле дәрәҗәдәге 6 медаль алып кайттылар.
Бердәнбер алтын медаль иясе Анастасия Фадеева булды. Кыз спринтны барысыннан да тизрәк ирекле стиль белән тәмамлады. Аның вакыты-3:27,83.
Александр Большунов ике көмеш медаль иясе булды. Спортчы ирекле стильдә һәм классик стильдә 15 чакрымга узышта бүләкләр яулады.
Бронза медальләрне берьюлы 3 чаңгычы яулады: Сергей Ардашев – классик стильдә 15 чакрым арада өченче, Сергей Забалуев ирекле стильдә спринтта, ә Дарья Непряева хатын-кызлар арасында классик стильдә 10 чакрымга өченче нәтиҗә күрсәтте.
Шулай итеп, Татарстан җыелма командасы команда зачетыннан аерманы арттыра бара. 3 этаптан соң ТР командасы активында 3957 очко, иң якыннан эзәрлекләүче-Төмән өлкәсендә 1787,5 очко.