Зәйдә тренер Андрей Бобылев истәлегенә багышланган бадминтон буенча турнир узды
Спорт һәм сәламәтлек декадасы кысаларында 3 гыйнварда Зәй шәһәренең «Старт» спорт-сәламәтләндерү комплексында «Барс» спорт мәктәбе тренеры Андрей Иванович Бобылев истәлегенә багышланган бадминтон буенча турнир узды.
Турнир әлеге спорт төрен яратучыларның игътибарын җәлеп итте, һәм катнашучылар югары әзерлек һәм җиңүгә омтылыш күрсәттеләр. Ярышлар йомгаклары буенча урыннар түбәндәгечә бүленде::
Ир-атлар арасында: 1 урын – Сергей Токарев
2 урын – Михаил Сюльдин
3 урын – Михаил Сапаев
Хатын – кызлар арасында: 1 урын-Галия Тумашева
2 урын-Елена Кузьмина
3 урын-Алиса Минькина
Җиңүчеләргә һәм призерларга иганәчеләрдән кыйммәтле бүләкләр тапшырылды. Турнир Зәй спорт җәмәгатьчелеге тормышында якты вакыйгага әверелде һәм Андрей Иванович Бобылевның төбәктә бадминтон үсешенә керткән өлешен искә төшерде.
Оештыручылар барлык катнашучыларга һәм җанатарларга чарада актив катнашулары өчен рәхмәт белдерәләр.