Дзюдо буенча Лаеш районы беренчелеге

2025 елның 13 гыйнвары, дүшәмбе

Якшәмбе көнне, 2025 елның 12 гыйнварында, Каипах көрәш залында 2010-2012 һәм 2013-2017 елларда егетләр һәм кызлар арасында дзюдо буенча Лаеш районы беренчелеге булып узды.

Беренчелектә катнашучыларның географиясе киң иде. Каипка Йошкар-Оладан (Марий Эл Республикасы), Яшел Үзәннән, Түбән Камадан, Болгардан һәм Лаеш районыннан 128 спортчы килгән иде. 

Нәтиҗәдә команда урыннары шулай бүленде:

• 1 урын-Каип мәктәбе,
• 2 урын-Йошкар-Ола,
• 3 урын — Габишев мәктәбе. 

Моннан тыш, аерым спортчыларны билгеләп үттеләр:

2010-2012 елгы

• Тимур Цапаев иң яхшы техника өчен,
• Егор Терехин җиңүгә омтылыш өчен, 
• Самира Хәйретдинова Иң яхшы ыргыту өчен.

2013-2017 елгы

• Эмиль Гыймадиев иң яхшы техника өчен,
• Максим Котенев иң яхшы техника өчен, 
• Тимур Салтанов иң яхшы ыргыту өчен.

Җиңүчеләрне грамоталар, медальләр, кубоклар һәм призлар белән бүләкләделәр. 

Беренчелекне оештыручы Рөстәм Насыйбуллинга Лаеш районы ОДМиС Рәхмәт хаты тапшырылды.