Динамо көрәшчеләре шәһәр беренчелегендә
19 гыйнварда «Ак барс» Көрәш сараенда СССРның атказанган тренеры Николай Моряшичев истәлегенә 16 яшькә кадәр һәм 18 яшькә кадәр яшүсмерләр арасында грек-рим көрәше буенча Казан шәһәре беренчелеге булды.
Казанда спорт көрәше үзенең тарихын ХХ гасыр башыннан алып бара һәм легендар цирк артисты, спортчы һәм тренер Николай Иванович исеме белән тыгыз бәйләнгән. Озак вакыт тренерлык эшендә Николай Иванович Моряшичев СССРның 40 тан артык спорт мастерын тәрбияләгән. 1957 елда, Татарстан тарихында беренче булып, Николай Иванович Моряшичев «СССРның атказанган тренеры»исеменә лаек була. Элегрәк, 1954 елда, Бөтенсоюз категорияле судья була.
Беренчелекне ачу 21 декабрьдә иртә таңнан узды, әмма билгеле сәбәпләр аркасында ярышлар үзләре бер айдан соң гына кичектерелде.
Ярышларда барлыгы 100 гә якын спортчы катнашты. Алар арасында Татарстанның «Динамо» вәкилләре лаеклы чыгыш ясады. «Динамо» спорт мәктәбендә тәрбияләнүчеләр төрле авырлык категорияләрендә 10 медаль яуладылар.
Чемпион титулына Самат Лотфуллин һәм Константин Маланчев лаек булды. Көмеш медальләргә Ислам Нигъмәтуллин, Тимур Раулов, Адель Камалов, Кирилл Пономарев һәм Константин Столяров лаек булды, бронза медальләргә Кирилл Маланчев, Ранил Гыйльфанов һәм Нияз Лотфуллин лаек булды.
«Алгоритм» лицее каршындагы «Динамо» секциясендә тәрбияләнүчеләр 19 медаль яуладылар.
Беренчелекнең җиңүчеләре Рамир Зәйнуллин, Никита Крупнов, Ильяс Акчурин, Спартак Казарян, Ярослав Борисов, Максим Поморцев булды. Көмеш медальләрне Эркин Ниязов, Әмин Искәндәров, Давил Әхмәтҗанов, Әхмәт Искәндәров, Никита Мякешев, Данис Гарифьянов, Йосыф Машарипов, Иван Гончаров алды. Бронза медальләргә Аслан Сарханзадә, Павел Ионов, Ярослав Володин, Ислам Хәйретдинов, Ленар Шәрәфетдинов лаек булдылар.