Баулыда ГТО кышкы фестивале «Трехгорка»чаңгы базасында узды
25 январь көнне Баулы шәһәрендә районның хезмәт коллективлары һәм авыл җирлекләре арасында Кышкы ГТО фестивале узды. Чара «Озак һәм актив тормыш»милли проектына ярдәм йөзеннән узды.
Һава салкын булуга карамастан, катнашучылар чаңгы юлына чыктылар һәм саф һавада вакытларын бик әйбәт уздырдылар. Фестивальнең тантаналы ачылышы 2 нче спорт мәктәбе җитәкчесе, Баулы районы ГТО тест үзәге җитәкчесе Николай Долгушев сәламләвеннән башланды. Ул катнашучыларга шәһәр администрациясе һәм 2 нче номерлы спорт мәктәбе исеменнән уңышлар теләде.
18 яшьтән алып 64 яшькә кадәрге катнашучылар үзләренең спорт осталыкларын күрсәттеләр һәм югары нәтиҗәләр күрсәттеләр. Барлык катнашучылар да күңел күтәренкелеге һәм уңай хис-кичерешләр алды!
Фестиваль азагында шәхси зачетта җиңүчеләр һәм призерлар грамоталар белән бүләкләнделәр. Команда зачеты 8 февральдә узачак «Россия чаңгы юллары» чарасында үткәреләчәк һәм бүләкләнәчәк.