«Динамо» физкультура-спорт җәмгыяте спортчылары самбо буенча Татарстан Республикасы беренчелегендә 7 медаль яулады

2025 елның 28 гыйнвары, сишәмбе

24-26 гыйнвар көннәрендә Әлмәттә 14-16 яшьлек егетләр һәм кызлар арасында самбо буенча Татарстан Республикасы беренчелеге булып узды.

2 көн эчендә «Татнефть» ПАО спорт комплексында 250дән артык самбочы татамига чыкты. «Нур» спорт комплексыннан «Динамо» ФСО спортчылары төрле дәрәҗәдәге 7 бүләк яулады:

Алтын медальләр: Михаил Кудрявцев (46 кг).

Көмеш медальләр: Эдгар Ярусов (64 кг), Карина Матвеева (50 кг).

Бронза медальләр: Искәндәр Кәбиров (49 кг), Искәндәр Сафин (46 кг), Индира Шарукеева (41 кг), Сәид Хәйдәров (79 кг).