Мәскәү өлкәсендә «Динамо» тәрбияләнүчеләренең уңышы
Мәскәү өлкәсендә «Динамо» РСШОР тәрбияләнүчеләренең уңышы
2025 елның 7-9 февралендә Электросталь шәһәрендә 2013 елда туган һәм аннан кечерәк малайлар һәм кызлар арасында индорхоккей буенча «Яшь динамочылар» ачык турниры узды.
Татарстан Республикасы җыелма командасының яшь динамочылары кызлар турнирында берсүзсез җиңүче булдылар. Людмила Юшкова җитәкчелегендәге безнең җыелма команда, Минск, Щелково, Электросталь, Мәскәү һәм Ногинск шәһәрләре командаларын җиңеп, пьедесталның югары баскычына күтәрелде.
Турнирның иң яхшы капкачысы итеп Кира Бортникова, иң яхшы сакчы итеп Дарья Кириллова танылды.
Малайлар арасында Татарстанның Динамо спортчылары - Александр Филюшин тәрбияләнүчеләре-бронза медальләр яуладылар. Үз төркемчәсендә 2 нче урынны алып, «Замосторечье» СДЮСШОРыннан гына калышып, безнең егетләр финал очрашуында реабилитацияләнә алдылар һәм Уралның «18 нче СШОР» командасыннан җиңүне тартып алдылар.
Спортчыларны һәм аларның тренерларын котлыйбыз! Алга таба да җиңүләр телибез!