Самарада кышкы Туриада башланды
18 февральдә Россия Президентының Идел буе федераль округындагы Тулы вәкаләтле вәкиле урынбасары Олег Машковцев 14-15 яшьлек егетләр/кызлар һәм 16-21 яшьлек юниорлар арасында чаңгы дистанцияләрендә спорт туризмы буенча Идел буе федераль округы беренчелегенә старт бирде. Беренчелек Самара өлкәсе территориясендә 18-22 февраль көннәрендә уза. Аның нәтиҗәләре «Туриада» 12нче округ спорт-туристлык лагереның гомумкоманда зачетында исәпкә алыначак, ул гадәттәгечә агымдагы елның маенда Саратов өлкәсенең Хвалынск шәһәрендә узачак.
Беренчелекне ачу көнендә чаңгы дистанцияләрендә Идел буе федераль округы кубогына эстафета узды.
Юниорлар/юниоркалар яшь төркемендә өченче урынны Самара өлкәсе командасы алды, икенче урында - Удмуртия Республикасы командасы, беренче урында-Марий Эл Республикасы командасы.
Егетләр/кызлар яшь төркемендә Марий Эл Республикасы вәкилләре өченче, Самара өлкәсе командасы икенче, Удмуртия Республикасы спортчылары җиңүче булды.
Татарстан Республикасыннан беренчелектә Казаннан 13 һәм Яр Чаллыдан 1 спортчы катнашты.
Чаралар уздыру кысаларында Тулы вәкаләтле вәкил урынбасары Олег Машковцев рәислегендә шулай ук Идел буе федераль округының спорт-туристлык федерацияләре һәм клублары җитәкчеләре белән киңәшмә узды, анда спорт туризмын үстерү мәсьәләләре һәм агымдагы елның маенда «Туриада»лагерен уздыруга әзерлек үзенчәлекләре турында фикер алыштылар.