«КАМАЗ» ПАО Яр Чаллы физик культура идарәсе белән берлектә ГТО нормаларын түләүсез тапшыруны оештыра
23 февральдә «КАМАЗ» ПАОнең чаңгы узышлары буенча ачык беренчелегендә КАМАЗ хезмәткәрләренә «Хезмәткә һәм оборонага әзер» Бөтенроссия физкультура-спорт комплексының алтын отличие билгеләре тапшыру тантанасы булды.
Алтын билгеләр һәм таныклыклар 12 камазлыга бирелде, алар арасында Руслан Кудряшов (ЦИТ), Евгений Әмирҗанов (ЛЗ), Марина Мишкина (ПЖДТ-Сервис), Денис Рева (БЗГД-ДР), Раил Галәветдинов (ЗД), Анастасия Рачкина (ГД), Максим Юзыкаев (БЗГД-ДР), Илдус мәүлеев (БЗГД-ДР), Андрей Емельяненко (АВЗ), Никита Староверов (БЗГД-ДР), Ринат Вәсимов (БЗГД-ДР) һәм Илдар Низамиев (ПЖДТ-Сервис).
Билгеләрне «КАМАЗ» ПАО ОППО рәисе урынбасары, шәһәр Советы депутаты Владислав Гаврилов тапшырды. Ул билгеләп үткәнчә, камазлылар ГТО нормаларын 2018 елдан тапшыралар, һәм быел нормативларны тапшыру дәвам итәчәк. «КАМАЗ» ПАО профсоюз комитеты Яр Чаллы шәһәренең Физик культура һәм спорт идарәсе белән берлектә барлык теләүчеләр өчен бушлай тест үткәрү оештыра.
Тестлау төрле яшь төркемнәре (18 яшьтән өлкәнрәк) өчен үткәрелә һәм «Хезмәткә һәм оборонага әзер» (ГТО) физкультура-спорт комплексы нормативларын үтәүне үз эченә ала. Үтәлгән нормативлар нәтиҗәләре буенча катнашучылар ГТО таныклыгы һәм тиешле мактау билгесе (алтын, көмеш яисә бронза) алачак.
ГТО хәрәкәте елдан-ел спорт белән шөгыльләнүгә күбрәк кешене җәлеп итә. Бу халыкның сәламәтлеген һәм тормыш сыйфатын ныгытуга ярдәм итә, бу исә «Физик культура һәм спортны үстерү»дәүләт программасы максатларына туры килә.