Азамат Вәлиев һәм Егор Береснев шахбокс буенча Россия беренчелегенең көмеш призерлары булдылар
20-23 март көннәрендә Мәскәү өлкәсендә шахбокс буенча мавыктыргыч ярышлар узды, анда илнең иң көчле атлетлары физик көчләрен генә түгел, ә стратегик фикерләүләрен дә күрсәттеләр. Азамат Вәлиев һәм Егор Береснев, үзләренең югары әзерлек дәрәҗәсен раслап, шахбокс-2025 буенча Россия беренчелегенең көмеш призерлары булдылар.
Әлеге ярышлар, беренчел мәгълүматларга караганда, көз көне Сербиядә узачак дөнья беренчелегенә сайлап алу этабы булып тора. Халыкара ярышларда катнашу спортчыларга үзләрен дөнья мәйданында күрсәтү өчен тагын бер мөмкинлек булачак.
Исегезгә төшерәбез, быел яз көне шахбокс рәсми рәвештә Россиядә спорт төре дип танылды, бу хакта Россия Спорт министрлыгы боерыгы басылып чыкты. Шахбокс көрәшләрнең уникаль гибрид төре булып тора, анда Бокс һәм шахмат блицы раундлары чиратлаша, катнашучылардан физик чыдамлык кына түгел, ә стратегик фикерләүнең югары дәрәҗәсен дә таләп итә.