Чаллыда волейбол буенча муниципальара турнир уза
Яр Чаллыда ир-атлар һәм хатын-кызлар командалары арасында волейбол буенча «Динамо» ФСО Яр Чаллы шәһәр Советы кубогына муниципальара чемпионат тәмамлана.
11 нче спорт мәктәбе базасында ир-атлар чемпионатының ике лигасында иң яхшы Дүртлек өчен уеннар узды һәм хатын-кызлар Чемпионатына йомгак ясалды.
Ярышлар йомгаклары буенча беренче лигада «Регион16» командасы (Яр Чаллы) җиңүче булды, икенче урында - «Батыр Фитнес» командасы (Алабуга), өченче урында - «Староградские Пивоварнии» командасы (Алабуга). Дүртенче булып «Баракат» командасы (Яр Чаллы) чыкты.
Икенче ирләр лигасында «НЧИ КФУ» командасы (Яр Чаллы) җиңүче булды, икенче урында-«Регион16 - 2» командасы (Яр Чаллы), өченче урында-«Спорт мәктәбе 11» командасы (Яр Чаллы), дүртенче урында - «Система-сервис» командасы (Әлмәт).
Хатын - кызлар чемпионаты нәтиҗәләре буенча беренче лигада иң яхшысы дип «СШ № 11 Союз» командасын таныдылар (Яр Чаллы), «Көмеш» - «Стрела» командасында (Яр Чаллы), ә «бронза» - «Комета» командасында (Яр Чаллы). Лидерлар дүртлеген «СШ 11 Атланта» командасы йомгаклый (Чаллы).
Икенче хатын - кызлар лигасында турнир таблицасының башында «ЕИ КФУ» командасы (Алабуга), икенче урында – «НГПУ» командасы (Чаллы), өченче урында - «Риал» командасы (Чаллы), дүртенче урында - «Айтуган» командасы (Сарман).
Җиңүчеләр һәм призерлар дипломнар, грамоталар, медальләр, кубоклар һәм призлар алдылар.
Ярышлар «Волейбол шәһәре» партия проекты кысаларында Татарстан Дәүләт Советы депутаты, «Бердәм Россия» партиясенең Чаллы җирле бүлекчәсе сәяси советы әгъзасы Андрей Ляпунов ярдәме белән узды. Исегезгә төшерәбез, чара «Физик культура һәм спортны үстерү» дәүләт программасын гамәлгә ашыру кысаларында уздырыла һәм халыкның барлык категорияләре арасында спортны популярлаштыруга юнәлдерелгән.
29 мартта 11 нче спорт мәктәбе базасында 3 лигада ир-атлар командалары арасында чемпионатның финал уеннары узачак.