Татарстанда Макаров лазер пистолетыннан ату буенча Татарстан Республикасы беренчелегенең II этабы узды
2025 елның 29 мартында Татарстан Республикасы ДОСААФ тирында Макаров лазер пистолетыннан ату буенча Татарстан Республикасы беренчелегенең II этабы ярышлары узды. Чара Транспорт һәм юл хуҗалыгы тармагының физик культура коллективлары арасында «Сәламәтлек-2025» Спартакиадасы кысаларында узды.
Ярышлар нәтиҗәләре буенча 927 очко җыйган «Транспроект» АО командасы җиңүче булды. Икенче урынны 919 очко җыйган «Метроэлектротранс» МУП командасы алды. Өченче урынны 912 очко нәтиҗәсе белән «Каздорстрой» АО командасы яулады.
Ярышлар тәмамланганнан соң җиңүче һәм призер командалар кубоклар, тиешле дәрәҗәдәге дипломнар, медальләр, вымпеллар һәм кыйммәтле бүләкләр белән бүләкләнделәр.
Исегезгә төшерәбез, спорт чараларында катнашу һәм аларда җиңү «Физик культура һәм спортны үстерү» дәүләт программасы максатларына туры килә һәм халыкның барлык категорияләре арасында спортны популярлаштыруга юнәлдерелгән.