Әмир Хафизов Дагыстанда билбау көрәше буенча Россия беренчелегендә көмеш медаль яулады
Түбән Каманың «Динамо» спорт мәктәбендә тәрбияләнүче Әмир Хафизов Татарстанга 2008-2010 елларда туган егетләр һәм кызлар арасында билбау көрәше буенча Россия беренчелегендә яулаган көмеш медаль белән кайта.ул 3-4 апрельдә Хасавюрт шәһәрендә узды.
Әмир 95 кг авырлык үлчәмендә чыгыш ясап, осталыгын, ихтыяр көчен һәм холкын күрсәтте, бу аңа дәрәҗәле ярышның көмеш призеры булырга мөмкинлек бирде. Бу уңыш аның алдында дөнья беренчелегенә ишек ача, анда ул Россияне тәкъдим итәчәк.
Әмирне әзерләү тәҗрибәле тренерлар Илнар Гәрәев һәм Илшат Сәхапов җитәкчелегендә бара, алар үзләренең сабыр һәм профессиональ хезмәтләре белән спортчының югары нәтиҗәләргә ирешүенә ярдәм итәләр.
Дөнья беренчелеге 2025 елның 28 маеннан 1 июненә кадәр Үзбәкстанның Каракалпакстан башкаласы Нукуста узачак.