Илья Мальков-фигуралы шуу буенча Россия беренчелегенең көмеш призеры
4 апрель көнне Казанның Спорт сараенда фигуралы шуу буенча Россия беренчелеге тәмамланды. Ярышларның соңгы көнендә бозда яшүсмерләр медальләр уйнатты.
Беренчелекнең җиңүчесе өлкән яшьтә «Ангелы Плющенко» академиясе фигуристы Никита Сарновский булды. Спортчы ике программада 272,86 балл җыйган.
Көмеш медальне Татарстан фигуристы Илья Мальков яулады. Ирекле программада ул өч дүртле башкарды – сальхов һәм ике тулуп, икенчесе икеле Аксель белән комбинациядә. Кыска программа белән бергә ул 242,55 балл җыйды.
237,05 нәтиҗәсе белән Алексей Мишинның укучысы Роман Хәмзин бронза медаль алды.
Фигуралы шуу буенча Россия беренчелеге нәтиҗәләре буенча татарстанлылар Илья Мальков һәм Ильяс Хәлиуллин фигуралы шуу буенча Россия җыелма командасына сайлап алындылар. Ике спортчы да-фигуралы шуу һәм шорт-трек буенча РСШОР тәрбияләнүчеләре.