Азнакайда СВО Герое истәлегенә багышланган йөзү турниры узды
2025 елның 5 апрелендә Азнакай шәһәренең «Дельфин» су-савыктыру комплексында кече сержант Әхмәтов Эльмир Рузалин улы истәлегенә багышланган йөзү буенча район турниры узды. Эльмир Әхмәтов-махсус хәрби операциядә катнашучы һәм икенче чечен сугышы ветераны, ул төбәк тарихында әһәмиятле эз калдырган.
Турнирда Азнакай мәктәпләреннән 2011 елда туган һәм аннан яшьрәк егетләр һәм кызлар катнашты. Бу ярыш спорт вакыйгасы гына түгел, Ватанны саклаучыларның батырлыкларына хөрмәт тәрбияләү өчен дә мөһим момент булды.
Турнирны ачу тантанасы бик күп мәртәбәле кунакларны җыйды. Ярышларда катнашучыларны Азнакай муниципаль районы башлыгы Марсель Шәйдуллин, башкарма комитет җитәкчесенең социаль мәсьәләләр буенча урынбасары Дамир Гыйләҗев, шулай ук Әхмәтов Эльмир Рузалин улының туганнары һәм якыннары сәламләде.
Яшь йөзүчеләр югары нәтиҗәләр һәм җиңүгә омтылыш күрсәттеләр, бу герой истәлегенә лаеклы дәвам булды. Җиңүчеләргә һәм призерларга грамоталар, медальләр, кубоклар һәм акчалата бүләкләр бирелде, бу алар өчен тырышлыкларын һәм казанышларын тану булды.Исегезгә төшерәбез, чара «Физик культура һәм спортны үстерү» дәүләт программасын гамәлгә ашыру кысаларында уздырыла.