13-18 апрельдә Казанда йөзү буенча Россия чемпионаты узачак
13-18 апрельдә Казанның Су спорт төрләре сараенда сезонның төп милли старты — йөзү буенча Россия чемпионаты була. Ярышларга илнең 72 төбәгеннән иң көчле йөзүчеләр киләчәк, ә 41 комплект медаль өчен 720 дән артык спортчы көрәшәчәк.
Катнашучылар арасында — Олимпия призерлары, дөнья һәм Европа рекордсменнары: Климент Колесников, Евгений Рылов, Евгения Чикунова, Юлия Колимова, Мирон Лифинцев, Кирилл Пригода, Светлана Чимрова, Илья Бородин, Арина Суркова, Егор Корнев, Иван Гирев, Андрей Минаков, Дарья Клепикова, Дарья Трофимова, Павел Самусенко һәм башкалар.
Быел йөзү буенча Россия чемпионаты үзенчәлекле статус ала — соңгы елларда беренче тапкыр ул Сингапурда узачак дөнья чемпионатына рәсми сайлап алу булачак. Спортчылар өчен турнир икеләтә кыйммәткә ия: милли титуллар өчен көрәшүдән тыш, алар халыкара турнирда чыгыш ясау хокукы өчен дә көрәшәчәкләр.
Дмитрий Мазепин, ФВВРС Президенты:
«Йөзү буенча Россия чемпионатын дөнья чемпионатына сайлап алу статусында уздыру-бөтен Россия спорты өчен әһәмиятле вакыйга. Бу безнең спортчыларыбызның әзерлек дәрәҗәсен тикшерү генә түгел, гадел конкурентлы көрәштә илебез намусын халыкара аренада яклаучыларны билгеләү мөмкинлеге дә. Ышанам , Казанда ярышлар югары дәрәҗәдә узачак һәм чын йөзү бәйрәме булачак!»
Владимир Леонов, Татарстан Республикасы спорт министры:
«Татарстан эре спорт чараларын уздыру тәҗрибәсе белән горурлана, һәм йөзү буенча Россия чемпионаты безнең күркәм традициягә әверелде. Без илебезнең иң яхшы йөзүчеләрен кунакчыл шәһәребездә, искиткеч Су спорт төрләре сарае диварларында кабул итүебезгә шатбыз. Бу ел үзенчәлекле: берничә ел эчендә беренче тапкыр Россия чемпионаты дөньякүләм дәрәҗәгә сайлап алу этабы булачак — Сингапурда узачак дөнья чемпионаты алдыннан. Барлык җанатарларга һәм катнашучыларга онытылмас мизгелләр һәм якты җиңүләр телим!».
Россия чемпионаты тамашачылар белән узачак. Трибунага керү билетлар буенча башкарылачак. Билет программасы турында тулырак мәгълүмат сайтта урнаштырылган. Иртәнге йөзүләрне Россия Су спорт төрләре федерациясенең рәсми сайтында һәм аның Вконтакте бергәлегендә турыдан-туры трансляцияләү мөмкинлеге булачак. Кичке финал йөзүләрен «Матч ТВ» телеканалларында күрсәтәчәкләр, шул ук цифрлы мәйданчыкларда параллель онлайн-трансляция белән.
Язның төп йөзү вакыйгасын — мавыктыргыч йөзүләрне, медальләр өчен көрәшне һәм дөнья чемпионатына сайлап алуны калдырмагыз!
Билетларны сылтама буенча алырга мөмкин.