Азнакай районында «Бергә тормышка 10000 адым» акциясе узды
2025 елның 7 апрелендә Азнакай шәһәренең «Юбилейный» стадионында Бөтендөнья сәламәтлек көненә багышланган «бергә тормышка 10 000 адым» республика сәламәтләндерү акциясе булып узды. Бу вакыйга «Гаилә» милли проекты, «Спорт – тормыш нормасы» һәм «өлкән буын» федераль инициативалары, шулай ук 2025-2030 елларга Татарстан Республикасында «Актив озын гомер» республика программасы кысаларында узды.
Чарада катнашучыларны Россия Пенсионерлар берлегенең Азнакай муниципаль районындагы җирле бүлеге рәисе Әхмәтов Зөфәр, «Азнакай муниципаль районы Башкарма комитетының Физик культура һәм спорт идарәсе» МКУ җитәкчесе Миңнеханов Рәфис, «Лидер» спорт мәктәбе» МБУ директоры Гәрәев Руслан сәламләде.
Акция программасына скандинавия йөреше элементлары белән «ГТО» ВФСК нормативын үтәү кертелгән иде. 55 яшьтән өлкәнрәк 50 дән артык катнашучы 3 км озынлыктагы маршрутны уңышлы үттеләр.бу чара актив яшәү рәвешенең һәм теләсә кайсы яшьтә сәламәтлек турында кайгыртуның мөһимлеген ассызыклый торган чын сәламәтлек бәйрәменә әверелде.