Түбән Камада Кудо буенча төбәк ярышлары уздырылды
5 апрель көнне Түбән Каманың «Факел» спорт комплексында Татарстан Республикасы территориясендә Дайдо дзюку-Кудо стилен үстерүгә 30 ел тулуга багышланган Кудо буенча төбәк ярышлары узды.
Ярышларда Түбән Кама, Казан, Әлмәт, Яр Чаллы һәм Лениногорск шәһәрләреннән күпсанлы командалар катнашты.
Ярышларны ачу тантанасында катнаштылар:
- Мартынов Александр Георгиевич-Кудо буенча III дан иясе, Татарстан Республикасында көрәшнең әлеге стилен башлап җибәрүче.
- Газизов Айдар Габдулла улы-Россия мөфтиләр советының «Хәләл» халыкара сертификацияләү һәм стандартлаштыру үзәге җитәкчесе, Кудо буенча I дан иясе, 2009 елдан 2020 елга кадәр Татарстан Республикасында Россия Кудо Федерациясенең төбәк бүлеген җитәкләгән.
- Грызунов Андрей Евгеньевич-Россия Кудо Федерациясенең Татарстан Республикасындагы төбәк бүлеге җитәкчесе.
Шулай ук 1991 — 2000 елларда дайдо дзюку-Кудо стиле белән шөгыльләнгән күпсанлы спортчылар.
Татарстан Кудо ветераннарыннан хәер-фатиха алып, спортчылар лаеклы көрәш күрсәттеләр, Кудо кагыйдәләре нигезендә көрәш алып бару техникасын белүләрен күрсәттеләр.
Ярышлар йомгаклары буенча җиңүчеләр һәм призерлар кубоклар, медальләр һәм ярышларның кунаклары һәм иганәчеләреннән кыйммәтле призлар алдылар.