Түбән Камада 39 нчы «Түбән Кама утызлыгы» чаңгы узышы узачак
9 мартта Түбән Каманың «Батыр» физкультура-сәламәтләндерү комплексы территориясендә традицион 39 нчы «Түбән Кама утызлыгы»чаңгы ярышы узачак.
Чара 10:00 сәгатьтә ачылыш парады белән башлана. 10:15 сәгатьтә 5 км га массакүләм йөгерү башлана, 10:20 сәгатьтә – 10 км га, 11: 00 сәгатьтә – 20 һәм 30 км га.катнашучыларга ирекле стиль белән йөгерергә рөхсәт ителә.
Ярышларда тиешле әзерлек һәм медицина рөхсәте булган егетләр, кызлар, юниорлар, юниоркалар, ир-атлар, хатын-кызлар катнаша ала. Ярышларда җиңүчеләр һәм призерлар һәр яшь төркемендә медальләр һәм грамоталар белән бүләкләнәчәк.
«Түбән Кама утызлыгы» чаңгы узышы «Физик культура һәм спортны үстерү»дәүләт программасы максатларына туры китереп узачак. Моннан тыш, чараны үткәрү милләтара һәм конфессияара бердәмлекне ныгытуга ярдәм итә һәм яшьләрне интернет челтәрендәге деструктив һәм радикаль бергәлекләргә җәлеп итү куркынычын киметә.