Түбән Кама укучылары тег-регби буенча Бөтенроссия финалына баралар
Түбән Каманың 38 нче лицее укучылары 11-12 июньдә Зеленоградта узачак «Регби мәктәп лигасы» Бөтенроссия финалында катнашу хокукын яуладылар. Финалга юлламаны балалар Сибурның «Яхшы эшләр формуласы» проекты һәм Россия һәм Татарстан регби федерацияләре ярдәмендә оештырылган шәһәр сайлап алу турнирында җиңү нәтиҗәсендә алдылар.
Турнирда Түбән Каманың 9 мәгариф учреждениесеннән 18 команда катнашты. Ярышларны ике яшь категориясенә бүлделәр: кече (1-2 класс) һәм өлкән (3-4 класс). Яшь спортчылар тизлек һәм җитезлек кенә түгел, ә стратегик фикерләү сәләтен дә күрсәттеләр. Киеренке көрәштә 38 нче лицей укучылары иң көчлеләр булды, алар хәзер шәһәрне федераль дәрәҗәдә тәкъдим итәчәк.
Команда остазы Светлана Гайнуллина фикерләре белән уртаклашты:
«Тег-регби балаларны тиз арада карар кабул итәргә өйрәтә, физик күнекмәләрне үстерә һәм якты хисләр бүләк итә. Безнең өчен Җиңү үзеннән-үзе түгел, ә балалар мәйданчыкта алган тәҗрибә мөһимрәк. Ул аларга тормышта да кирәк булачак"»
Сайлап алу турниры балалар арасында контактсыз регбины популярлаштыруга һәм яшүсмерләр спортын үстерүгә юнәлдерелгән «СИБУР — Регби мәктәп лигасы» программасы кысаларында узды. Моннан тыш, турнирны уздыру максатлары «физик культура һәм спортны үстерү» дәүләт программасы максатларына туры килде.
Турнирда катнашучыларның барысы да истәлекле бүләкләр: туплар, футболкалар, значоклар һәм медальләр, ә чемпионнар Кубок һәм Зеленоградка юлламалар алды.
Тег-регби-ул динамик һәм куркынычсыз спорт төре мәктәпләр өчен идеаль туры килә. Түбән Камада аны инде биш ел үстерәләр, һәм елдан-ел аңа кызыксыну арта. Уен физик активлыкны интеллектуаль йөкләнеш белән берләштерә, командада эшләргә һәм стандарт булмаган фикер йөртергә өйрәтә.