Тәтештә Юрий Лабутин истәлегенә стендка ату буенча Кубокның икенче этабы узды
12-13 апрель көннәрендә Тәтештә стендка ату буенча Татарстан Республикасы Кубогының икенче этабы булып узды. Әлеге ярышлар Тәтештә туып-үскән, махсус хәрби операциядә катнашкан һәм үлгәннән соң Батырлык ордены белән бүләкләнгән Юрий Лабутин истәлегенә багышланды.
Турнирда 100 гә якын спортчы катнашты, алар трап һәм скит дисциплиналарында ярыштылар. Хатын-кызлар арасында трап дисциплинасында 103 (2) + 19 + 30 нәтиҗә күрсәтеп, Алинә Әхәтова җиңү яулады. Икенче урынны Камилә Вәлиева, өченче урынны Дарья Чупина алды. Ир-атлар трап категориясендә Кирилл Багров җиңүче булды 110 + 21 + 30 аның артыннан Иван Васин һәм Олег Пантюхин урнаштылар.
Скит дисциплинасында хатын-кызлар арасында беренче урынны Дарья Леомцева яулады. 101 + 22 + 35. Икенче урында-Вероника Корсакова,өченче урында-Яна Зайцева. Скитның ир-атлар категориясендә 112 (1) + 27 + 36 нәтиҗәсе белән Арсений Ануфриев җиңү яулады. Икенче урында-Сергей Терентьев, өченчедә — Айрат Шакиров.
Ярышлар югары дәрәҗәдә узды, ә җиңүчеләр бик яхшы нәтиҗәләр күрсәтте, бу катнашучыларның югары әзерлек дәрәҗәсен күрсәтә. Исегезгә төшерәбез, чара «Физик культура һәм спортны үстерү» дәүләт программасын гамәлгә ашыру кысаларында уздырылды.