Зәйнең «Яшьлек» боз сараенда яшүсмерләр командалары арасында хоккей буенча турнир узды
Бөек Ватан сугышында Җиңүнең 80 еллыгын бәйрәм итү елында Зәй шәһәренең «Яшьлек» боз сараенда 5-6 апрель көннәрендә яшүсмерләр командалары арасында хоккей буенча турнир узды. Чара «Физик культура һәм спортны үстерү»дәүләт программасы максатларын үтәүгә юнәлдерелгән иде.
Ярышларда Нурлат, Менделеевск, Яр Чаллы, Лениногорск, Зәй шәһәрләреннән 2010-2011 елгы яшүсмерләр командалары катнашты. Ачылу тантанасында Башкарма комитет җитәкчесенең социаль мәсьәләләр буенча урынбасары Камалова Регина , Зәй муниципаль районының физик культура, спорт һәм туризм идарәсе җитәкчесе Тимеркаева Илзирә, «Яшьлек» спорт мәктәбе директоры Артемьев Александр, махсус хәрби операциядә катнашучылар Изосимов Сергей, Комаров Павел катнашты.
Турнир йомгаклары буенча 1 урынны Нурлат шәһәренең «Ледок» командасы алды, 2 урынны Менделеевск шәһәренең «Айсберг» командасы алды, 3 урынны Яр Чаллы шәһәренең «Чаллы» командасы алды, 4 урынны Лениногорск шәһәренең «Нефтяник» командасы алды, 5 урынны Зәй шәһәренең «Яшьлек» командасы алды.
Номинацияләр буенча турнирның иң яхшы уенчылары бүләкләнде:
«Иң яхшы сакчы» - Сургучев Родион, «Чаллы»командасы,
«Иң яхшы һөҗүмче» - Артур Никифоров, «Яшьлек»командасы,
«Иң яхшы бомбардир» - Ивашкин Ростислав, «Ледок»командасы,
«Иң яхшы капкачы» - Гринин Алексей, «Нефтяник»командасы,
«Иң кыйммәтле уенчы» - Фәрхетдинов Алан, «Айсберг» командасы.
Бүләкләү тантанасын СВО катнашучылары Изосимов Сергей Михайлович һәм Павлов Юрий Николаевич үткәрде.
«2010-2011 елларда туган яшь спортчылар арасында хоккей буенча турнирда беренче урынны алган «Ледок» командасы тренеры буларак, минем егетләребез өчен горурлыгымны һәм шатлыгымны белдерәсем килә. Бөек Ватан сугышында Җиңүнең 80 еллыгына багышланган әлеге турнир спорт вакыйгасы гына түгел, ватанпәрвәрлек һәм илебез тарихына хөрмәт тәрбияләү өчен дә мөһим мизгел булды. Бу бик шәп чара булды, анда төрле шәһәрләрдән командалар очраша, тәҗрибә уртаклаша һәм үз күнекмәләрен күрсәтә алды. Шунысы мөһим, мондый турнирлар яшьләр хоккеен үстерергә һәм дуслык рухын саклап калырга ярдәм итә. Барлык оештыручыларга һәм катнашучыларга онытылмас мизгелләр өчен рәхмәт!»,- дип билгеләп үтте җиңүчеләр командасының тренеры Шишкин Эдуард Владимирович.
Моннан тыш, чараны үткәрү милләтара һәм конфессияара бердәмлекне ныгытуга ярдәм итә һәм яшьләрне интернет челтәрендәге деструктив һәм радикаль бергәлекләргә җәлеп итү куркынычын киметә.