Казанның «Стрела» командасы футбол буенча Татарстан Суперкубогын алды

2025 елның 21 апреле, дүшәмбе

Кичә Казанның «Стрела» командасы футбол буенча Татарстан Суперкубогы финалында матчтан соңгы пенальтилар сериясе буенча «Алабуга»ны отты (0:0, 4:3 пенальти буенча). Шул рәвешле команда бу сезонның беренче трофеен ала алды.

Бүләкләү тантанасында Татарстан Республикасы футбол федерациясе рәисе Александр Гусев һәм ТР Спорт министрлыгының югары казанышлар спорты бүлеге башлыгы Раиф Вафин катнашты. Алар командага кубок һәм медальләр тапшырдылар.

«Стрела» ФК футбол буенча Татарстан чемпионаты һәм Кубогы җиңүчесе булып тора. «Алабуга» узган республика чемпионатында икенче урында тәмамлады.