Сарманда яшүсмерләр арасында хоккей буенча турнир
Узган 5-6 апрельдә Сарман районының Боз сараенда 2013-2014 елгы яшүсмерләр арасында хоккей буенча турнир булып узды.. Ватанны саклаучылар елына һәм 2013-2024 елгы хоккей сезонын ябуга багышланган турнирда Минзәлә, Менделеевск, Яр Чаллы, Җәлил бистәсе һәм Габдрахман авылы командалары катнашты.
Турнирның җиңүчесе булып «Минзәлә кречетлары» командасы танылды
Икенче урында - «Батыр» командасы (Габдрахман авылы)
Бронза медальләр - «Чаллы» командасы (Яр Чаллы шәһәре)
«Юность» (Җәлил) һәм «Айсберг» (Менделеевск) командалары юатучы татлы призлар алдылар.
Шулай ук амплуа буенча иң яхшылар билгеләнде:
- Турнирның иң яхшы сакчысы-Бәдретдинов Тимур («Батыр»)
- Иң яхшы һөҗүмче-Алчин Ранэль («Чаллы»)
- Иң яхшы капкачы-Политов Андрей («Юность»)
- Иң яхшы бомбардир-Сәидов Нәҗип («Минзәлә кречеты»)
Моннан тыш, чараны үткәрү милләтара һәм конфессияара бердәмлекне ныгытуга ярдәм итә һәм яшьләрне интернет челтәрендәге деструктив һәм радикаль бергәлекләргә җәлеп итү куркынычын киметә.