«Транснефть Синтез» хезмәткәрләре Алабуга районында ГТО нормативларын уңышлы тапшырды
Алабуга районында җиңел атлетика манежындагы «Спорт мәктәбе 1» базасында «Транснефть Синтез» оешмасы хезмәткәрләре «Хезмәткә һәм оборонага әзер» (ГТО) ВФСК нормативларын уңышлы тапшырдылар. Бу чара халыкны даими рәвештә физкультура һәм спорт белән шөгыльләнүгә җәлеп итүгә юнәлдерелгән «Физик культура һәм спортны үстерү» дәүләт программасының бер өлеше булды.
Нормативлар тапшыру кысаларында катнашучылар үзләренең физик сәләтләрен төрле сынауларда күрсәттеләр, шул исәптән кыска һәм озын дистанцияләргә йөгерү, гимнастика тактасында басып алга авышу, яткан килеш кулларны бөгеп һәм җәеп җибәрү, шулай ук аркада яткан килеш гәүдәне күтәрү.
Мондый чаралар сәламәтлекне һәм физик әзерлекне ныгытуга ярдәм итеп кенә калмый, команда рухы һәм яңа казанышларга омтылыш та тудыра.