Татарстан Республикасы спорт министрлыгында көрәш сәнгатендә экстремизмны һәм террорчылыкны булдырмау чаралары турында фикер алыштылар
Бүген, 24 апрельдә, Татарстан Республикасы спорт министрлыгында экстремистик һәм террорчылык эшчәнлеген пропагандалауны, шулай ук көрәш сәнгате һәм көрәш буенча тренировкалар һәм спорт ярышлары барышында милләтчелек хәрәкәтләре күренешләрен булдырмау мәсьәләләренә багышланган мөһим киңәшмә узды.
Киңәшмә кысаларында тренировка һәм укыту-тренировка процесслары барышында, шулай ук муниципаль дәрәҗәдән алып федераль дәрәҗәләргә кадәр, шул исәптән шәхси спорт учреждениеләре һәм оешмаларын да кертеп, спорт чараларын үткәргәндә куркынычсызлыкны тәэмин итү чаралары турында фикер алыштылар. Тренерлар һәм инструкторлар әзерләүдә идеологик куркынычсызлык мәсьәләләренә, шулай ук спорт секцияләрендә, түгәрәкләрдә, клубларда, бүлекләрдә һәм федерацияләрдә аларның эшчәнлеген контрольдә тотуга аерым игътибар бирелде.
Киңәшмәдә ТР министрының беренче урынбасары Хәлил Шәйхетдинов; ТР Спорт министры урынбасары Илдар Садриев; Александр Даренков, Россия көрәш сәнгате берлегенең ТР буенча филиалы башкарма комитеты җитәкчесе һәм шулай ук ТР хокук саклау органнары вәкилләре катнашты.
Киңәшмә, Татарстан Республикасының спортны тыныч һәм конструктив үстерү принципларына тугрылыгын раслап, көрәш сәнгате һәм спорт көрәшләре өлкәсендә идеологик һәм физик куркынычсызлыкны ныгытуга таба мөһим адым булды.